Dan il-proġett li huwa ffinanzjat parzjalment mill-fondi Ewropej taħt il-Programm Operazzjonali I, Politika ta’ Koeżjoni 2014-2020 “It-Trawwim ta’ Ekonomija Kompetittiva u Sostenibbli”. Il-mira ta’ dan il-Proġett kienet li tiżdied in-newtralità karbonika fl-infrastruttura pubblika u jiġi minimizzat ir-rilaxx tad-Diossidu tal-Karbonju (CO2) fl-atmosfera. Dan il-Proġett tlesta, fl-istess żmien maż-żieda tar-raba’ sular fi Pjazza Kastilja, il-Belt Valletta biex jospita l-Unit tal-Employee Support Programme.
Billi tlesta dan il-proġett, il-binja ta’ Pjazza Kastilja issa qed tuża inqas enerġija mill-fjuwils fossili bl-installazzjoni ta’ aperturi bi ħġieġ doppju, l-iżolazzjoni tal-bejt u l-installazzjoni ta’ tidwil LED fis-sular tal-binja l-ġdida. Għaldaqstant, tinħtieġ inqas enerġija biex tintlaħaq il-kumdità termali. Għalhekk, il-proġett qed inaqqas id-dipendenza fuq il-fjuwils fossili li indirettament iwasslu għal iffrankar fl-ispejjeż tal-enerġija. Barra dan, b’inqas CO2 fl-atmosfera, dan jirriżulta fi kwalità tal-arja aħjar għar-residenti kollha ta’ Malta.
